Caracterízate

O vestiario da muller romana constaba de dúas pezas clave: a stola e a palla. A primeira era unha túnica longa con pregues, a miúdo ornamentada segundo o estatus social; a segunda era un manto sobreposto que servía para abrigar as costas ou velar o rostro en público.

Esta proposta de vestimenta inspírase na deusa Diana, fundindo o misticismo lunar coa forza do bosque. O deseño destaca polo uso do arco e o carcax, emblemas do seu dominio sobre o mundo natural. A presenza do cervo como motivo iconográfico complementa o conxunto.

Como encargadas de manter aceso o lume sagrado, a súa indumentaria proxectaba a súa dignidade e posición social. O conxunto baséase en túnicas de cor branca pura, deseñadas con cortes rectos e folgados que caen ata os nocellos. A peza complétase con velos que envolven parcialmente o rostro.

A distinción da alta sociedade romana maniféstase a través das súas capas e mantos ornamentados. Máis aló da clásica toga, a vestimenta dun nobre pode incluír a lacerna, un gabán aberto de gran calidade, ou a alícula, unha capa curta ideal para lucir broches e fíbulas traballados. 

A vestimenta dos maxistrados romanos simbolizaba autoridade e prestixio. Levaban unha túnica cinguida e, por enriba, unha toga elegante. A máis característica era a toga praetexta, adornada cunha franxa púrpura que distinguía o seu alto rango e a súa importancia dentro da sociedade romana.

A roupa do lexionario romano estaba pensada para a guerra e a protección. Levaba unha túnica baixo a armadura, coñecida lorica segmentata, xunto cun casco metálico e un gran escudo rectangular. Completaba o equipo con sandalias resistentes, chamadas caligae, e un cinto para portar as armas.

A vestimenta dos gladiadores romanos era sinxela e adaptada ao combate. A peza principal era un pano curto suxeito cun cinto ancho de coiro, ás veces decorado con metal. Ademais, levaban diferentes proteccións nos brazos, pernas ou cabeza segundo o tipo de gladiador. 

A Garda Pretoriana era a unidade encargada de protexer ao emperador romano. Os seus membros distinguíanse pola súa armadura elegante, capas de cor escura e cascos adornados, símbolos do seu prestixio e poder.