NOTICIAS

O Arde Lvcvcs contará por primeira vez cunha moeda castrexa, da que se venderán 5.000 exemplares

Carmen Basadre, Ricardo Fernández e Julio Montero presentaron a moeda, rexistrada no Museo Arqueolóxico Nacional, que é totalmente celtibérica con data do século II e III antes de Cristo

 

A Concelleira de Cultura, Turismo, Xuventude e Promoción da Lingua, Carmen Basadre, e o tesoureiro e o vogal da Asociación Mercenarios Galaicos, Ricardo Vilariño e Julio Montero, respectivamente, presentaron este mércores, no patio do Vello Cárcere, a primeira moeda castrexa do Arde Lvcvs.

Na presentación, a edil mostrou a súa satisfacción porque “este ano estes festexos, declarados de Interese Turístico Galego e Nacional, terán dúas moedas oficiais, unha romana e outra castrexa”. Así mesmo, deulles os parabéns polo traballo que realizan, tanto Mercenarios Galaicos como todas as asociacións que representan ao pobo castrexo.

Pola súa banda, Ricardo Fernández agradeceulle ao Concello a implicación e axuda para sacar a primeira moeda castrexa do Arde Lvcvs, que está rexistrada no Museo Arqueolóxico Nacional e é totalmente celtibérica, con data do século II e III antes de Cristo, momento no que se produciron as Guerras Púnicas e houbo unha grande acuñación de moedas, pola necesidade de pagar os mercenarios e o avituallamento do exército de Anibal.

Trátase dun sequel prateado, que no seu anverso ten a deusa Tanit, moi significativa na mitoloxía dos cartaxineses, con connotación bélicas e guerreiras. No reverso da moeda ten un cabalo, que é un símbolo de poder, unha estrela de oito puntas e un trisquel, que son elementos representativos da cultura celta.

Mercenarios Galaicos vai poñer a venda unha tirada de 5.000 moedas, que se poderán adquirir en distintos comercios da cidade por un prezo de dous euros.

Para calquera outra información poden dirixirse á asociación a través do enderezo electrónico mercenariosgalaicos@gmail.com.

www.ardelucus.com

 

Actualización: A continuación figura a lista de establecementos onde adquirir a moeda a partir do sábado 17.

 

  1. Inmobiliaria Predio, Salvador de Madariaga 3, bajo 7
  2. Peluquería Kuka's imaxe,  Avda. Terra Chá, 28 Entlo. A, (Castro Ribeiras de Lea)
  3. Farmacia de la Cruz,  Conde Pallares, 6 
  4. Gotam Lugo,  Rúa do Teatro, 13 
  5. La Moustache Art&Music, Rego de Foz, (Foz)
  6. Mamá limón,  Conde Pallares, 4
  7. Joyería Honorino Freire,  Rúa da Cruz, 15 
  8. Cafetería Amsterdam,  Río Eo, 25
  9. Administración de lotería n°6,  Galerías estación de Autobuses, PZ. Constitución s/n
  10. A las puertas del gato,  Rúa Tino Grandío 33 bajo, esquina Camiño Real
  11. Basket coffee Pub ,  Doutor Fleming, 1
  12. Cervecería La Internacional, Avelino Pousa Antelo, 2 
  13. Domus Magna, Rafael de vega, 8 
  14. El Gandul, Rúa do Miño, 21-23 
  15. Pasarela,  Frai Plácido Rei Lemos, 1 
  16. Jager lounge,  Rúa da Cruz, 22 
  17. Restaurante As Landras, Plaza de las Augas Férreas 
  18. Armería Mago Pesca Deportiva, Plaza de Sta. Ana, 17,  (Chantada)